بیری دریا – ده نیز، بیریده بیر داملا سو
هئچه ده ییمزمیش! بیر هئیکل یالان.... بزه دیلمیش بیریالان – یونتولموش بیریالان!
نه گلئیدین نه ده گئدئیدین! کاش قیچین سینایدی ... او یالان قوخوسو وئرن باخیش لارین گیله لرینده ن توکولن تیلیت قان اولایدی! ایچی بوش- شیشیدیلمیش بیر قوووتچاخ! آنجاق پارتلادین .....
تام بیر بوم بوش هاوا .......................................................
سن کیم!من کیم!
سن هارا ! من هارا!
من ده لی دولو بیر دویغو ده نیزی – بیر دوشونجه هئیکلی...آمما سن بیر بزه دیلمیش سوسقون گلینجیک – اویونچاخ......!
هه له اویناداجاخلار .... اؤزونو بزه؛ ویترینلرده بوش یئر چوخدو! اویونباز – اویونچاخ سئون هرزه ال لر - گؤزلر سنی گؤزلور .... سنی اؤرتمک ایسته دیم! سن اؤرتوله سی ده ییلسن ...
سنی سئومک ایسته دیم، سن سئویله سی ده ییلسن ...حئییف او گونلره، سن اولارا یاراشان ده ییلمیش سن! سن منیم یئریمده اه یلشدین ..... حئییف او آنلارا – او قدر ده ییلمیشسن... سن یانیما گلدین –...او سلاملارا ده یمز میشسن! او سایقی لارا یاراشمازمیشسان ... حئییف او گونلره – حئییف او آنلارا !
یوخوما گلدین ... حئییف او یوخولارا! یاشاییشیما جالاندین بیر زهر کیمیمیشسن ... ایندی یوخلوغوندا سانیرام کی کاش اولمایایدین ایندی کی کیمی ... یوخلوغون و اؤلومون کیمی.... کاش اولمایایدین.
توتقونام ، یوخ! توتولموشام ، یوخ! به نه اولوب منه!؟ نه بیلیم بلکه توتوخلو قالمیشام بیرینده ....
سانکی بیرداها یئنیده ن دوغو لورام .... سانکی داها بیرهجر- بیر نیگار، منیم غورور داغلاریمدا ، ظفر ماهنی سی چالیر! سانکی داها بیری گونش کیمی یاشاییشیمدا دوغولور .... سانکی بیر دان اولدوزو منیم بو قارانلیغیما گلیر، سانکی هرنه بیر داها جانلانیر ....سانکی بیری کپنک کیمی سسس سیزجه اوچور – قونور منیم چییینلریمه! سانکی بیری ظفر ماهنی سی چالیر – بیری سئوگی بایراغین قالدیریر ...
سانکی بیر رسام، یئنی تابلو باشلاییر ... بیرینین ناز باخیشلاری هریانا یاغیر، سئوگی لر چیچک له نیر ... گونش ساچیر – بوتون دویغولار یاشیللانیر... تابلو چکیلیر.... گئجه – گوندوز ...تابلولار دولور، آمما بیز بو تابلولارا سیغیشمیریق ...!